Mahirap Magmahal

15 July 2000

Kayraming balita and aking narinig,
‘Di na makayanan nitong aking dibdib.
Tinitiis na lang kahit na masakit,
Dahil mahal kita, ‘yan ang isaisip.

Mahirap magmahal sa isang katulad mo,
Siguro nga naman, hindi tayo talo.
Kahit pilitin man ng puso kong ito,
Masasayang lamang lahat ng pagod ko.

Mahirap tanggapin ang katotohanan,
Masakit isipin ang mga nagdaan.
Tayo ay masaya at nagbibiruan,
Nawala na ngayon, kahit tingin man lang.

Larawan mo na lang ang kinakausap,
Dahil ang nais ko, ikaw ay mayakap.
Kahit sa pagtulog, ako’y umiiyak
Sapagkat tayo nga’y ‘di karapat-dapat.

kenn jimena

* original image appears in link

Advertisements