25 July 2010
Ay hasu!
Pirme lang ko indi katulog.
Ang kaunuran ko gapalangurog.
Kulang na lang maligid sa salog.
Hasu guid ining dughan nga gabanug.
Ay hasu!
Maski anhun ko nga klase ka piyung,
Ining kalimutaw gamudlat guihapon.
Daw kanami guid nga turasukon
Kag ang isip ko akon papahuwayon.
Ay hasu guid.
Alas tres na apang ara pa ang animo.
Indi guid matulugan maski magligid ako.
Guintimpla nga gatas, duha na ka baso.
Indi guid matulugan, katig-a guid sang ulo.
23 July 2010
Mabalik guid maski ano mo katabog.
Pati katuluyhon mo, gulpi lang matabog.
Pungko, higda, maski pagtindog,
indi guid kalikaw sa linti nga lamok.
May kututon ka sa dalum sang ilok,
Anu man nga hampak, indi malab-ot.
Indi guid mapunggan ang pagpangutot
Gani hala, sigeha pa guid nga kalot.
Gulpi mo lang tampaon imu guya.
Pagtupa sang kamot, kundi namula.
Lamok nga indi mo kaisa makita,
Patraidor ang pag-atake niya.
Indi guid mapunggan ang pagkusmod
kung lamok makalikaw sa imu paghanot.
Tan-awa ang kilay gulpi lang nagsampok,
Kay nakalupad pa ang buwisit nga lamok.
* original image appears in link
23 July 2010
Tiyug-tiyog nga daw indi mag-untat,
Ang iyang lawas nga daw mabulwat.
Tiyug-tiyog nga makalingugngog,
Gani ang hangin gulpi lang nagbaskog.
Sa gatung sobra ka man kahakog,
Tani untat ka na sa pagtiyug-tiyog.
Tiyug-tiyog naman kung magin-ot,
Indi mauntat maski gapangurumbot.
Tiyug-tiyog kung damu gapangutot,
Gakapalid ang lamok sa imu huyop.
Tani indi ka man mag patayug-tayog,
Gamay nga gin-ot gulpi magtiyog.
Tiyug-tiyog kay tam-an sila katamad,
Ang abaniko ila na guinpahigad.
Tiyug-tiyog pati buling galupad,
Mapalid pati agsik sang laway sa tupad.
Salig na lang sa tiyog nga magahod,
Kag kung maglamig sige pagpalangurog.
* original image appears in link
14 July 2010
Gatangso ang akon sip-on sa pagpanumdum
kung anu ang akon nga dapat himuon.
Gapalamula kag gabanog na ining akon nga ilong
kay nabudlayan guid ako sang akon sulaton.
Isa, duha, tatlo ka minuto na ang nagligad,
ining balhas sa sakang ko gabinaliskad.
Ang sulod sang huna-huna ko indi ko mabukad,
daw indi na gani magtikab ang akon nga sungad.
Daw matulo na ang tubig halin sa akon nga ilong,
indi ko mabinagbinag ining akon nga balatyagon.
Daw masungaw na ang init sa akon nga pus-on,
gasinakit pati ang simple ko nga pagpanagitlon.
Apang mabudlay man nga talikdan kag likawan
ang simple niya nga guinapangayo nga kalipayan.
Indi ko matungkad ang sulod sang akon dughan
sa tagsa ka pagpitik sang tagipusuon ko nga napilasan.
Hinali ko lang guinpagsipad-sipad ang inadlaw.
Sa tagsa ko ka isip ang kamumuo ko daw matunaw.
Mainit matuod ang palibot apang daw katugnaw.
Indi ako mapahamtang tungod sang akon kamingaw.
Ara siya masami sa damgo ko nagalabay-labay.
Ang pagpanumdum daw sa anu kabudlay.
Pasayluha ako kung masami ko ikaw guinasu-ay,
ang matuod ikaw lang palangga ko akon nga Inday.
* original image appears in link
9 July 2010
You danced on the tip of my cigarettes
as I long for you to caress my lips.
You touch the air that I breathe
and your scent’s what I wanna keep.
Soon you’ll be like smoke in the air,
thin and soft that I love to stare.
Tiny dancer that sways without care
but is still sweet though causes tear.
Bend the light my lady cotton white.
Brush my lips while you ride the light.
I will surely long for you after tonight
because you will be ashes with all despite.
Again you dance on my fingertips
before it’s all gone, my sweet cigarettes.
I will light again against your lips.
Again… against your lips that is sweet. end
Original image appears in link.
My Hallucinations 